الاثنين، 15 سبتمبر، 2014

يعنى إيه النظام الشجرى فى ماى واى ؟!! وأزاى تحصل على مكافأه المستوى (المرتب الشهرى) ؟!!


إتعرفنا  ف التدوينه اللى فاتت على شركه ماى واى وعرفنا مميزات العضويه فيها إيه ؟
وانا ف التدوينه دى هاتكلم عن أزاى تكون شجرتك ف ماى واى وهتستفيد منها إيه ؟؟!

إزاى تكون شجرتك ف ماى واى ؟!! هتستفيد منها إيه ؟؟!!

من ضمن مميزات عضويه ماى واى غير المكسب وهديه ال 100 نقطه والعروض الأسبوعيه وغيرها....
انك ممكن تكون شجرتك وتستفيد منها مرتب شهرى نقدى ممكن بمجهودك يوصل ل 3,000 ج
 وانا هاقولك ازاى
انت محتاج تعرف الناس بمميزات عضويه ماى واى وبفكره العمل ف الشركه وتعملهم عضويات  يعنى موش بس
تعرض منتجات الشركه لأ كمان تعرض فكره العمل ف الشركه ومميزات العضويه  ولو قدرت تجيب مثلا عضوين تحتك ف الشركه 
كده يبقول أنضمو للشجره بتاعتك طيب والأعضاء دول برده هياخدو منتجات من الشركه وهيعملو نقط وكمان هيجيبو أعضاء برده والأعضاء اللى هيجيبوهم برده هيعملو نقط وهيجيبوا أعضاء برضو وهكذا وهو ده السبب انهم سموه النظام الشجرى انت الجذر والأعضاء اللى تحتك هما الفروع والفروع برده هيبقى ليهم فروع وهكذا  ودى صوره توضيحيه للنظام الشجرى ... 



هتستفيد إيه من تكوين شجرتك ف ماى واى  ؟؟

 هاقولك كل نقطه هيعملها عضو من أعضاء الشجره بتاعتك او الأعضاء اللى تحتهم او اى عضو ف الشجره من اولها لأخرها هتتحسبلك وهتستفيد منها فلوس بأختصار انت بتاخد عموله على كل الشغل اللى شجرتك بتعمله 
توضيح :::: انت جبت 10 أعضاء وكل عضو من الــ 10 أعضاء جاب عضوين يبقا كده أنت عندك ف شجرتك 30 عضو بيعملو نقط ولو كل عضو عمل 100 نقطه  وأنت عملت 100 نقطه يبقا كده  الشجره بتاعتك عملت 3,100 نقطه وكده يبقا وصلت لمستوى 12% هتاخد عليهم مكافأه ماديه كويسه جدا من (400 لـــ 600 ج) فلوس تقديه موش منتجات والمكافأه تزيد أو تقل على حسب شغلك وشغل الشجره بتاعتك كل شهر (يعنى المكافأه بتتحسب شهريا)
يعنى 
أعضاء + أعضاء + أعضاء = نقط + نقط + نقط =  مكافأه ماديه شهريه كبيره  بتكبر كل مبتكبر شجرتك وبيكبر شغلهم
دى بيسموها المرتب الشهرى أو مكافأه المستوى لأنها بتتحدد بمستويات ودى صوره توضيحيه للمستويات عشان تقدر تعرف مكافأتك الشهريه 

ده جدول المستويات اللى تعرف من خلاله مكافأتك كام على شغلك وشغل الشجره بتاعتك 

شرح كل بند ف الجدول 
  • المستوى : ده شغلك وشغل شجرتك بالنسبه المؤيه يعنى لو انت وشجرتك عملت من 1200 لـــ 2399 نقطه يبقا انت كده وصلت لمستوى 9% ومكافأتها من 151 لــ 302 ج  وتقدر تقول لأى حد انا وصلت لمستوى  9% وخدت المكافأه الشهريه وتفتخر بشغلك وشغل شجرتك والحقيقه المستوى ده بيفيد ف الوصول للالقاب ودى اللى هاشرحها بعدين ان شاء الله 
  • عدد النقاط : ده عدد النقط اللى المفروض تعملها عشان توصل للمستوى اللى عايز توصله يعنى عشان توصل لمستوى 6% مثلا لازم انت وشجرتك تعملو من 600 لـــ 1199 نقطه 
  • المكافأه الماليه : دى بتعرفك مكافأتك بتبدأ من كام لكام على حسب المستوى اللى وصلتله انت وشجرتك الشهرده يعنى لو انت وشجرتك وصلتو لمستوى 3% هتاخد مكافأه من 8 لــ 25 ج 
  • النقاط الشخصيه : ركزو معايا بئا ف النقطه دى دلوقتى انت عندك شجره بتعمل نقاط شهريا وبتاخد مكافأه شهريه كويسه بس خد بالك موش هينفع تاخد المكافأه كده وانت معملتش أى نقط يعنى مثلا لو عندك شجره عملت 1200 نقطه يبقا ليك مكافأه 150 ج بس لازم من ال 1200 نقطه دى تكون انت عملت 75 نقطه او اكتر .... والجدول بيوضح النقط اللى لازم تعملها عشان تاخد مكافأه المستوى 
أظن كده الحمدلله الفكره وصلت ^_^